Vamos siguir esperando unes condiciones meteorolóxiques estables na rexón. Pela mañana vamos tener cielos pocu nublos o, a lo sumo, intervalos de nubes altes. A lo llargo de la tarde van entrar nubes medies dende’l cordal que se van estender en dirección norte. La probabilidá de precipitaciones va ser nula o bien baxa. Sía que non, podría escapase dalgún bastiu aislláu en zones montascoses mientres la tarde.
Los vientos van ser fluexos polo xeneral, predominando de nordés-esti na mariña con intervalos d’intensidá moderada. Tocantes a les temperatures, les máximes van ser bien similares a les anotaes el xueves, ente que les mínimes van xubir hasta 3 o 4 ºC nel interior y de forma más llixera na mariña y otres zones próximes.
El sábadu vamos amanecer con cierta nubosidá en puntos de la metá norte asturiana, pero a lo llargo del día van tender a abrise grandes claros. Les temperatures máximes van baxar de forma xeneralizada ente que les mínimes van baxar namá nel terciu sur.
El domingu, a priori, tou apunta a que nos espera una xornada con tiempu estable.
