Disfrutaremos d’una xornada de cielos estenos. A lo sumo, podríen apaecer dellos intervalos de nubes altes insignificantes mientres el día. Con éses la probabilidá de precipitaciones va ser rotundamente nula. Los vientos espérense fluexos con posibilidá d’afitase de nordeste-esti a partir del mediudía na mariña.
Les temperatures máximes van xubir de forma xeneralizada. Na metá sur van xubir hasta 4 o 5 ºC respectu al llunes, y na metá norte l’ascensu va ser daqué más moderáu. Tocantes a les mínimes, van baxar hasta 2 o 3 ºC en relación a les anotaes el llunes.
El miércoles vamos tener cambeos cuidao que va entrar un frente fríu non bien activu pero lo suficiente como para dexar abondosu nubosidad y precipitaciones débiles en cualquier puntu d’Asturies. Estes agües yá van entrar pola mariña asturiana pela mañana y van enfusase escontra l’interior col intre de les hores. La cota de nieve va dir baxando progresivamente hasta los 1300 o 1400 metros d’altor. Les temperatures van baxar en tola rexón nel casu de les máximes. Les mínimes, sicasí, van xubir. Los vientos van soplar de componente norte.
Una masa d’aire nidio/suave va afectar a España nestos proximos dias, antes de la llegada d’una irrupción polar.
Esta situación va ser poco duradera, una y bones la fin de selmana va llegar una nueva BFA procedente del norte, con vientos de tramontana nel Mediterráneu y una masa d’aire polar. El descensu térmicu va ser acusáu, especialmente nes aguaes cantábrica y mediterránea.
El xueves acabará la primavera en bona parte del norte peninsular, con un fluxu de vientos del norte que se va colar pol pandu norte.
