Vamos amanecer con escamplaes en munchos puntos del Principáu, pero rápido vamos dir reparando como va entrar nubosidá pola mariña oriental y va dise estendiendo escontra’l restu de la rexón. El suroccidente y el cordal van ser los sectores menos afectaos. Les nubes apenes van dexar precipitaciones, pero sía que non nun se refuga que pueda escapase dalgún orbayu bien pocu importante nel oriente asturianu. Los vientos van predominar de nordés fluexos con dalguna qu’otra racha moderada sobremanera na mariña occidental. Tocantes a les temperatures, les máximes van xubir hasta 4 o 5 ºC nel cordal y nel suroccidente, hasta 3 ºC nel restu de la metá sur, y hasta 1 o 2 ºC na metá norte. Les mínimes apenes van esperimentar cambeos.
El sábadu preveSE la entrada d’un frente fríu pocu activu cuidao que vamos tar influyíos poles altes presiones, pero igualmente va dexar abondosu nubosidad y una segunda parte del día con presencia d’agües débiles. La cota de nieve va baxar progresivamente hasta los 1000 metros.
El domingu prevense nubes y dellos orbayos pela mañana, amás d’enforma fríu.
España va vivir cuatro o cinco díes ivernizos nel entamu de la Selmana Santa por delles pulsaciones d’aire polar, pero’l calor primaveral podría llegar n’unos díes, según el modelu européu.
Martes 31 de marzu
La Península va convertise nun campu de batalla, produciéndose una llucha ente mases d’aire subtropical (asociaes al anticiclón de los Azores) y l’aire polar, que vendría empobináu polos vientos del norte.
