La llingua del camaleón ye una de les ferramientes de caza más sorprendentes del reinu animal. Anque paeza daqué senciellu, detrás d’esi movimientu ultra rápido hai una anatomía fascinante que-y dexa atrapar preses a una distancia mayor que’l llargor del so propiu cuerpu.
Na so boca, el camaleón tien un güesu especial y un sistema complexu de músculos elásticos que funcionen como un resorte cargáu. Cuando alcuentra a la so presa, estos músculos contraense con muncha fuerza atropando enerxía, y en cuestión de milisegundos, la llingua sale disparada a una velocidá increíble. A la fin de la llingua, tien una punta musculosa y pegañosa qu’actúa como una ventosa para asegurar l’alimentu. Tou esti procesu asocede tan rápido, en menos d’un segundu, que ye casi imposible velo a güeyu 
.
.