🗓️ Folixa na Primavera 2026 en Mieres, del 17 al 19 d’abril. 🏵️🌸 🗣️ Dende la conceyalía de festexos tenemos prepará la Folixa na Primavera, festexando por to lo alto que tamos de aniversariu. 30 años de Folixa. 3 décades de cuidar y conservar les nueses tradiciones, el baille, la música tradicional, la sidra y les gaites, muches gaites, porque esti añu la 🥁 Banda de Gaites Villa de Mieres 🥁 también festexa el so 30 aniversariu.
🎊🎇 Un fin de semana nel que nun va a faltar la presencia de los nuesos Grupos de Baille que son la esencia de la Folixa: Prau Llerón, L’Artushu y Ruxidera, que van enllenar les calles de folclore y asturianía. Y nun va faltar la sidra 🍏, que nun ye solo pa bebela, ye también pa compartila, porque Folixa ye unión, ye pueblu, ye arguyu y compromisu. Nun podía faltar una nueva edicioń de Xuntanza de Sidra.
📢 Tenemos un cartel fechu con muches ganes nel que se dexa ver l’arraigu del nuesu conceyu, les tradiciones asturianes y persones que fueron per importantes pa nosotres, como Mª Luisa Díaz, cantaora de toná, Nel Amaro, escritor y poeta, o el nuesu Teodoro Cuesta.
🎶🎤 Un programa muy completu onde el baille y la música tradicional son protagonistas, y nel que vamos contar con referentes del folk asturianu, galegu y tamién internacional. Van acompañanos: Llan de Cubel, Xose Lois Romero & Aliboria, Los Collaínos, Soi Panderetera, Nando Agüeros, Dervish… y nun van faltar talleres y actividaes pa toes les edaes.
🍎 Dende la Conceyalía de Festexos nun tenemos más que invitar a la xente a cantar, baillar y dexase llevar por l’allegría y les tradiciones. 30 años después equí seguimos, más vives que nunca, porque la Folixa ye la nuesa fiesta y mientras haya una gaita sonando, xente bailando y sidra asgaya, la folixa va tar siempre viva. Xuntes y xuntos facemos pueblu, facemos vida y facemos comunidá.
🌺🎉 Puxa la Folixa na Primavera 2026 de Mieres del Camín. 🎉🌺
@llandecubeloficial @xoseloisromeroealiboria @lartusufigaredo @ruxideragb @praulleron @banda_gaites_villa_mieres_ @soipanderetera @loscollainos @nandoagueros_oficial @dervishofficial @mieresunderground
