El Fapas pon en marcha un proyectu pa protexer los truébanos de los osos.
El Fapas va protexer ente 250 y 300 truébanos en tol área d’ocupación osera del Cordal Cantábricu nos próximos dos años dientro d’un proyectu sofitáu pol Ministeriu de Transición.
Son los apicultores los que piden al FAPAS la so intervención. Escuéyense aquellos truébanos que yá fueron atacaos pol osu o que tán altamente espuestos. Si la instalación ye afayadiza, dicen, los daños sí se puen evitar. Pa ello, aseguren la electrificación con una placa solar y un pararrayos específicu.
El Fapas esplica que los osos busquen proteínes nos bárabos de les abeyes, énte la poca presencia de carnáu pel iviernu y primavera. Ye por eso qu’ataquen los truébanos.
Esti trabayu allúgase nel Proyectu de Sofitu a l’Apicultura de Monte, con un 60% financiáu con fondos Feder y un 40% pola mesma asociación.
