Ribesella celebra una nueva edición de les carreres de caballos na sablera de Santo Marina. Trátase de la única prueba ecuestre del norte d’España que se celebra nun arenal. La XXXIV edición de les carreres de caballos de Ribeseya celébrase esti vienres y sábadu, 3 y 4 d’abril, na sablera de Santo Marina, nun eventu declaráu Fiesta d’Interés Turísticu del Principáu d’Asturies. La xornada empieza a les 11:30.
Esti vienres celebren delles pruebes, ente elles carreres de caballos de pura raza árabe, cruciaos pura sangre inglés y pura sangre inglés. L’eventu continua’l sábadu, 4 d’abril, col espectáculu ecuestre ‘La Maxa del Caballu’, previstu a partir de les 12:30.
Les carreres de caballos de Ribeseya son la única prueba ecuestre del norte d’España que se celebra nun arenal y desenvuélvense coincidiendo cola Selmana Santa.
Mientres estos díes, la sablera de Santo Marina tresfórmase nun hipódromu natural, onde aficionaos y turistes pueden siguir les pruebes y averase al mundu de les carreres de caballos. La redolada combina edificaciones d’arquitectura indiana, la capiya de la Virxe de Guía y los cantiles de la Punta’l Pozu, coles sos buelgues de dinosauriu, ufiertando un marcu paisaxísticu singular.
