Prevese un descensu importante de les máximes. Ente 6 y 8 ºC van baxar na mayor parte del Principáu. Nel terciu sur el descensu va ser daqué más moderáu, ya inclusive nel cordal apenes se van esperimentar cambeos. Les mínimes van ser bien similares polo xeneral o, sía que non, podríen inclusive xubir bien llixeramente. En cuanto al estáu de los cielos, prevense nubes na mariña y gran parte de la metá norte mientres la mañana, y cielos más soleyeros nel restu. A lo llargo de la tarde van abrise grandes claros en tola Comunidá Autónoma con intervalos de nubes altes insignificantes a lo sumo. Los vientos van ser fluexos y van predominar de nordés.
El llunes va ser un día como’l del sábadu. Volverán xubir les temperatures y van superase los 25 ºC en prácticamente tola rexón. Ye posible que, nesta ocasión, sí que se llegue a algamar los 30 ºC en dalguna localidá gracies a los vientos de componente sur.
