Esperamos una xornada casi más veraniega que primaveral. Les temperatures máximes van esperimentar un importante ascensu de forma que vamos raspiar n’Asturies los 30 ºC. Nun se refuga que s’algamen anque, a priori, tou apunta a que vamos quedar sobro los 28 o 29 ºC. Na metá norte asturiana les máximes van xubir hasta 8 o 10 ºC más que les anotaes el domingu. Na metá sur l’ascensu va ser d’hasta 6 o 7 ºC. Tocantes a les mínimes, van xubir de forma local anque na mayoría de poblaciones asturianes van caltenese ensin grandes cambeos. Los vientos van predominar de sur y, evidentemente, van tener gran parte de culpa de les temperatures que vamos anotar. Los cielos güei van tar poco nublos. A lo sumo, van reparase intervalos de nubes altes insignificantes y la probabilidá de precipitaciones va ser dafechu nula.
El modelu européu preve hasta 28 ºC n’Uviéu, 27 ºC en Bilbao y Ourense, 26 ºC en Llugo y 25 ºC n’A Coruña y Santander. Estos valores van dase ente les 15:00 y 17:00.
El martes la inestabilidá va dir de menos a más. La mañana va presentase estable, pero mientres #tardar van apaecer bastios que podríen ser moderaos y más frecuentes nel sur y nel oeste, ensin refugase nel restu.
