Asturies zarró la campaña d’esquí en Valgrande-Payares y Fontes d’Iviernu con un total de 67.374 persones usuaries, lo que supón un aumentu del 32,24 % respecto al añu anterior.
La temporada vien acompañada de meyores clave, como la electrificación de Fontes d’viernu tres la so conexón cola rede de San Isidro.
Les alministraciones d’Asturies y Llión tán yá trabayando nun modelu pa la xestión conxunta de cuatro estaciones: Fontes d’Iviernu, Valgrande-Payares, San Isidro y Ḷḷeitariegos.
Amás, sigue en tramitación el proyectu p’ampliar el dominiu esquiable de Fontes d’Iviernu hasta los 16 km, con servicios nuevos y meyores. Y, nel casu de Valgrande-Payares, autorizáronse actuaciones de la segunda fase del plan de tresformación, con una inversión cercana al millón d’euros con miradores, meyores en rutes, circuitu d’esquí de fondu, un bikepark y nueva illuminación, dientro d’un proyectu global que ronda los 20 millones d’euros.
El Gobiernu d’Asturies reafirma’l so compromisu con un modelu sostenible que combina modernización, deporte, turismu activu y dinamización económica nos valles d’Ayer y Ḷḷena.Más información 
