Vamos amanecer con nubes baxes, pero a lo llargo de la mañana vamos reparar como esta nubosidad va dir sumiendo. El sol va dir ganando terrenal de forma que vamos encarar una segunda metá del día con cielos prácticamente estenos. Los vientos van ser fluexos con posibilidá de que na mariña puedan soplar con raches moderaes de nordeste. Les temperatures máximes van xubir hasta 5 o 6 ºC en tol sur y nel occidente asturianu. Nel restu, l’ascensu va ser más moderáu. Les mínimes van xubir llixeramente respectu al xueves.
El sábadu va visitanos un frente fríu yá dende pela mañana polo que’l día va tar cargáu de nubosidad que va dexar precipitaciones xeneralizaes. La cota de nieve va dir baxando hasta los 1000 metros d’altor. Los vientos van predominar de noroeste. Y en la mar, va activase (a les 15:00 nel sector occidental y a les 16:00 hores nel oriental) l’avisu mariellu por foles d’hasta 5 metros d’altor. Les temperatures, el sábadu, van baxar de forma notable tantu les mínimes como les máximes.
Va ser difícil que dalguna población asturiana supere los 13 o 14 ºC en dalgún momentu del día. Nubosidad y temperatures nada prestoses tamién para’l domingu.
