L’Institutu d’Enseñanza Media «La Florida», d’Uviéu, va dedica-y el nome al gran escritor en llingües asturiana y castellana, Xuan Bello, fallecíu en xunetu del 2025. Con esti envís, los profesores y alumnos del institutu lleven meses trabayando en comuña con diversos actos onde se fai homenaxe al poeta de Paniceiros y onde quieren proyectar a la sociedá qu’asumen con arguyu ser depositarios de la so memoria. El Miradoriu – Ramón d’Andrés
El vienres día 10 de marzu del 2026, nel teatru Pumarín (Uviéu), los alumnos del IES «Xuan Bello» (vamos llamalu asina yá) punxeron n’escena un espectáculu tituláu «El Futuru de la Memoria». Un espectáculu perguapu d’una hora, basáu en fragmentos d’obres, declaraciones, pensamientos y imáxenes del escritor, resumiendo maxistralmente la so filosofía lliteraria y vital. Sensacional.
Al final del actu, cantóse l’Himnu del IES «Xuan Bello», inspiráu nun conocíu poema de so.
SEMEYA 1. Nel escenariu, los actores formen les lletres del nome Xuan Bello.
SEMEYA 2. Cantando l’Himnu del IES «Xuan Bello».
SEMEYA 3. Anunciu del espectáculu, a la puerta del salón d’actos.
SEMEYA 4. Lletra del Himnu del IES «Xuan Bello».
