Una xornada aparente para visibilizar, normalizar y celebrar la diversidá corporal de persones con malformaciones conxénites o amputaciones.
Escoyóse un día llenu de simbolismu: el 12, faciendo referencia a un brazu, dos piernes o viceversa, del mes 4 (abril), que correspuende a les cuatro estremidaes del cuerpu humanu.
Esti día convirtióse n’una plataforma para destacar les hestories de resiliencia, fortaleza y llogros d’aquellos que viven con distintos tipos d’estremidaes.
Más allá de ser a cencielles una conmemoración, esti día tamién busca xenerar conciencia sobro los desafíos qu’enfrenten estes persones nel so día a día y promover la inclusión en tolos aspeutos de la sociedá.
Unu de los aspeutos más importantes d’esta fecha ye la oportunidá de desafiar estereotipos y prexuicios. De cutiu, les persones con estremidaes distintes son oxetu de discriminación y esclusión social por cuenta de la falta de comprensión y sensibilidá per parte de la sociedá polo xeneral.
Esti día ufierta una plataforma pa camudar estes percepciones, destacando les habilidaes, talentos y contribuciones significatives de les persones con estremidaes distintes a les sos comunidaes.
Amás, tamién ye una oportunidá p’apostar por polítiques y práctiques que promuevan la igualdá d’oportunidaes y l’accesibilidá pa toles persones, independientemente de la so condición física.
Esto inclúi la promoción de redolaes llaborales inclusivos, l’accesu a la educación y l’atención médica fayadiza, según el desenvolvimientu de tecnoloxíes y dispositivos qu’ameyoren la calidá de vida de les persones con estremidaes distintes.
Los padres de Mael entendieron que nun se trataba solo d’esplicar lo que diba pasar. Trátase de da-y al so fíu una manera de travesalo. D’ufierta-y una hestoria na que pudiera siguir siendo protagonista, inclusive en mediu del dolor. Quiciabes por eso’l so cuentu nun terminaba na ferida…sinón na victoria.
Como les que sufre’l pequeñu Mael, de 3 años. Amputáu de manos y pies dende va diez meses, por una infección meningocócica qu’a puntu tuvo de costa-y la vida. El Comercio / LNE
Los sos padres, Pablo Aldecoa y Nerea Bernardo, pensaron que’l día nun puede ser más aparente para presentar en sociedá “Amima2”, l’Asociación d’Amigos de Mael, al traviés de la cual quieren enriar tola ayuda que-yos ta llegando y toles acciones d’equí p’arriba vaigan faer por visibilizar les situaciones de munchos neños que saben, como Mael, lo que ye enfrentar la vida con diagnósticos y realidaes tan complexes como la suya.
“Amima2” nun puede tener un logotipu más colorista nin con más intención. Con una mano y un pie asomando ente les lletres, igual qu’asoma la cabeza d’un neñu. Y nun ye Mael. “Ye’l so hermanu Olai, que siempres ta ende, con él”, diz el padre. “AMIMA2”, encadena, “ye la nuesa forma de dicir ‘Gracies’ al mundu. Naz del ciñu inmensu de miles d’amigos que nos ayuden, pa convertise nuna rede de sofitu, xuegu y muncho más mimu pa los neños que, como Mael, enséñennos acaldía lo que significa la verdadera fuerza”.
