Los protocolos por acoso escolar n’Asturies aumenten un 130% dende 2022. Los inspectores d’Educación demanden cambeos nos procedimientos d’acoso escolar disparen les investigaciones por acoso escolar. El númberu de protocolos abiertos n’Asturies creció un 130% nos postreros cuatro cursos. Pasó de 168 investigaciones abiertes en 2021 a 392 el cursu pasáu. https://edublog.educastur.es/ixuxu/2025/05/dia-internacional-contra-lacoso-escolar/
No que llevamos del presente curso yá son 408 los espedientes empecipiaos. Sicasí, son una minoría los casos que se confirmen como tal, como acoso escolar. Nel cursu 24-25 fueron 42 de 392, esto ye, solo un 10%.
Según educación, l’aumentu de les cifres nun respuende necesariamente a un empeoramientu del clima escolar sinón a una meyora de los protocolos de detección y a una mayor sensibilización de families, alumnáu y equipos docentes.
Los inspectores d’Educación demanden cambeos nos procedimientos d’acoso escolar. El protocolu para prevenir y sacar a la lluz casos ye garantista pero bien farragoso denuncien, tantu que cuando s’activa arreya mientres dos meses a tola comunidá educativa de los centros y eso, señalen dende’l sindicatu d’inspectores, obliga a dexar de llau otres funciones. N’otres autonomíes, espliquen, ye más axilosa.
L’eleváu volume de protocolos abiertos impacta tamién nel serviciu d’inspección que supervisa y asesora a los centros nel abordaxe del problema.
Lo que nun alderiquen ye la necesidá de la ferramienta. Si confírmase qu’hai acoso aplícase un plan paliativo. Si non, la investigación apurre información pervalible para encarar problemes de convivencia.
Por que nun se lleguen a abrir espediente, inciden na importancia de trabayar más na prevención al traviés de les tutoríes y d’una meyor xestión de les dinámiques nos patios.
