#Asturies abre la carrera pol campanu La temporada de pesca con muerte empecipia mañana con gran espectación, una normativa proteccionista y polémicos cupos en tolos ríos del Principáu. LNE / El Fielato / https://mrf.lu/Hkkw
Frente a los 620 que s’afitó como llende na campaña del pasáu añu, el Gobiernu asturianu alcordó esti amenorgamientu, y llendar el cupu añal de pesca con muerte a un salmón por pescador, énte’l descensu de la población adulta de la especie que se repara nos calces asturianos y el consiguiente amenorgamientu de captures.
De los 5.000 añales de media que se pescaben na segunda metá del pasáu sieglu, con años nos qu’inclusive se superaben los 7.000, pasar a 2.800 nel añu 2001, a 1.134 quince años dempués y a 340 na temporada de 2024.
El mínimu históricu algamóse la pasada campaña con 130 salmones precintaos, 97 d’ellos nel ríu Narcea; 24, nel Seya-Piloña; siete, nel Cares-Deva; dos, nel Eo y nengunu nel Esva, según reflexen los datos de la Real Asociación Asturiana de Pesca Fluvial.
La cuenca del Narcea caltiénse como la más salmonera del Principáu y na que s’estableció anguaño’l mayor cupu de captures, un total de 60 exemplares, mientres que del Seya podrán garrase un máximu de 52 hasta’l 15 de xunetu, fecha na qu’acaba la pesca del salmón.
Como ye habitual, unu de los focos principales asítiase en Cornellana (Salas), onde se celebra la XXVI Feria del Salmón Capenastur, convertida yá en puntu d’alcuentru para aficionaos, curiosos y profesionales del sector. Nel ríu Sella tamién se vivió una mañana de notable actividá, anque ensin grandes captures. Galería LNE
