Dime ónde vives y te voi dicir cómo de saludable ye l’agua del grifu: el mapa d’España qu’analiza cada conceyu. Radiografía de l’agua n’España: Los datos oficiales que revelen l’escesu de nitratos. Xataka
La xestión de l’agua nel estáu español tien dellos frentes: dende’l puramente hidrolóxicu énte cada vez más frecuentes escenarios d’escasez a la calidá d’esta. Sí, l’agua que llega al grifu travesó una planta potabilizadora y ye por tantu apta pal consumu, pero hai un contaminante al que nun perder de vista: los nitratos. (SINAC). «eL’agua del to pueblu» / Uviéu /
La filtración de nutrientes procedentes de l’actividá agropecuaria industrial tan estendida n’España trai la degradación d’ecosistemes y tamién pon en xaque la seguridá del suministru públicu al encher la capacidá d’autolimpieza de los acuíferos y superar, en munchos casos, la capacidá de tratamientu de les plantes potabilizadores locales.
Anque consultar la calidá de l’agua que llega al to grifu ye un recursu accesible a la ciudadanía al traviés de plataformes como’l Sistema d’Información Nacional d’Agua de Consumu (SINAC), la realidá ye que dacuando les bases de datos son demasiáu técniques y trupes, asina que a daquién asocedióse-y convertir la información del Ministeriu de Sanidá nun mapa interactivo y comprensible para tol mundu.
Ye «l’agua del to pueblu» y ye una ferramienta de consulta pública por que cualesquier que quiera conocer la calidá de l’agua del grifu del so conceyu al respective de los nitratos, pueda faelo ensin necesidá de tener conocencies técniques al traviés d’un mapa interactivo de bona interpretación.
El mapa en cuestión foi desenvueltu por DATADISTA a partir de los datos oficiales del SINAC, que depende del Ministeriu de Sanidá y recueye les resultancies analítiques de toles redes de suministru d’agua potable n’España. Ye importante resaltar que la última llectura data d’abril de 2026 y que nun contien midíes en tiempu real, sinón que la frecuencia varia en función de la zona de suministru. Asina, ente que aquelles redes que distribúin más de 10 metros cúbicos al día tienen que reportar, les que son más pequenes l’informe ye voluntariu. D’ende que delles localidaes rurales pequenes apaezan ensin datos.
El mapa amuesa l’estáu español con un mapa d’OpenStreetMap y puntos distribuyíos por tol territoriu n’una escala de colores que va del colloráu para quien incumplen la normativa hasta’l verde para los que cumplen, pasando por tonos entemedios para situaciones de riesgu o vixilancia.
Amás de poder faer zoom y mover el mapa o que Canaries tenga’l so propiu botón para centrar la imaxe nel so archipiélagu, na zona cimera tán les capes que podemos activar pa visualizar información como les Zones Vulnerables a Nitratos declaraes poles comunidaes autónomes o l’estáu químicu de los acuíferos soterraños. Na esquina inferior esquierda, la lleenda qu’esplica les llendes. Si prefieres nun buscar nel mapa, na zona cimera de la web hai un *cajetín de busca qu’entaína tou y un curtiu resume d’eses zones crítiques.
