Esperamos intervalos de nubes medies y altes mientres tol día que podríen acabar dexando bastios tormentosos pela tarde nel cordal y nel suroccidente. Comoquier, nun se refuga que de forma local puedan estendese estos bastios a otres zones del Principáu. Los vientos van predominar de nordeste na mariña y de sur nel cordal y puntos del interior. A lo llargo de la tarde, la intensidá de los vientos de sur va dir n’aumentu pudiendo algamase raches d’hasta 80 o 90 km/h nel cordal. Va haber, amás, presencia d’asoria polo que los bastios van poder abasnar folla. Tocantes a les temperatures, van xubir más de 5 ºC en casi tol Principáu (salvo nel terciu sur) respectu al llunes, siendo na metá norte onde más se notará la xubida de les temperatures. Les mínimes tamién van xubir pero de forma más moderada.
⛈️🌬️ Martes: nel norte peninsular, bastios acompañaos de nube y raches de vientu fuertes. Asoria nel oeste peninsular. ☀️ Miércoles: predominiu de sol. ⛈️ Xueves: posibilidá de bastios acompañaos de nube nel oeste peninsular. 🌧️ Vienres y fin de selmana: bastios ocasionales nel interior peninsular. 🌡️En península y Baleares les temperatures van ser más propies de mes de xunu.
El miércoles va ser un día nublu polo xeneral anque con baxa probabilidá de precipitaciones. Les temperatures van baxar notablemente en toa Asturies. Los vientos van predominar de nordés fluexos polo xeneral.
Polvu del Sáhara invade España y convierte el cielu nun mantu de calima güei. Mientres los próximos díes, la calima va poder afectar a bona parte del país, empiorando la calidá del aire y tiñendo los cielos.
Mientres la tarde van poder dase nubes en distintos puntos del país, lo que podría favorecer l’agua en forma de barru en rexones del noroeste peninsular.
A partir del miércoles, el polvu en suspensión va dir perdiendo intensidá, amás d’afectar a zones de la metá esti del país.
