Cartelu programación / paisanu /
Herbamora, GF Blimea, Los Gascones y l’alcuentru de gaites dan forma al XXII Mercáu Quirosán. Bárzana acueye’l 1 y 2 de mayu esti eventu gratuitu y familiar que vien puxando dende hai dos décades pola cultura’l país en Quirós.
El Mercáu Quirosán de Bárzana ta acabante d’anunciar la programación de la so edición númberu ventidós, que va celebrase’l vienres 1 y sábadu 2 de mayu. Amás del mercáu y de delles actividaes y talleres pa tola familia, la música y la cultura tradicional protagonicen l’eventu. El IX Alcuentru de Bandes Gaites y los conciertos d’Herbamora Los Gascones, amás de l’actuación del Grupu Golclóricu Blimea y del grupu folk gallegu Lenda Artaba, dan forma a la programación.
El vienres 1 a les 13.30h actúen en sesión vermú’l Grupu Folclóricu Blimea, que van repetir actuación pel mercáu a les 16.30h. Llueu a les a les 19h actúen Herbamora, formación de música tradicional entemecida a otros soníos como la electrónica; too ello con un discursu que reivindica’l llabor de les muyeres nel caltenimientu de la tradición oral del país.
El sábadu a les 13.30h toca la bandina popular Los Gascones y a les 18h ye’l XIX Alcuentru de Bandes de Gaites nel qu’actúen la Banda de Gaites Picos d’Europa DOP (Cabrales), La Flor de Grau (Grau), Camín de Fierro (Proaza y Teberga) y l’anfitriona del eventu, Teixo-Manolo Quirós. Pa les 22h, la música folk de Galicia garra protagonismu col conciertu de Lenda Artaba. Cola celebración d’esti mercáu caltiénse una fecha clave pal espoxigue de la música tradicional nel conceyu de Quirós.
