Quince artistes esponen un trabayu que desafía a la Intelixencia Artificial

Navia acueye esti fin de selmana la tercer Feria de la Illustración. Artistes asturianos, tamién llegaos de fuera d’Asturies, amuesen una disciplina artística qu’entá nun algamó la repercusión que tienen otres.

Alejandra Cota ye sevillana y vieno a Navia a amosar el resultáu de la so gran pasión, la illustración. Nun vive profesionalmente d’ello. Ta opositando, pero’l so suañu sedría ganar la vida dibuxando.

Manuel Ángel Fernández ye de Navia y pása-y dalgo paecío. Ye autónomu y dedícase a les reformes. Nel so tiempu llibre déxase llevar pol arte, un arte nel que yá impacta la intelixencia artificial.

Son 14 los artistes que se dan cita na tercer Feria de la Illustración de Navia, los más asturianos y cuasi toos reconocen que lo faen como hobby.

Hai otros 14 espositores de llibros y la oportunidá de conocer en persona a escritores.

Dos feries que podrán desfrutase hasta esti domingu.