Esperamos una nueva xornada na que la inestabilidá volverá cobrar protagonismu. Pela mañana nun se refuga l’apertura de delles escamplaes, pero va ser por pocu tiempu cuidao que la nubosidad va dir n’aumentu conforme vaigan trescurriendo les hores. Les nubes volverán aumentar dende’l sur cubriendo tol cielu asturianu, sobremanera a partir del mediudía.
Esta nubosidad va dexar bastios que podríen ser localmente fuertes nel cordal y moderaos nel restu del interior. Cuanto más movamos escontra la mariña les precipitaciones van ser menos probables y frecuentes. Les temperatures máximes van xubir hasta 4 ºC nel occidente y hasta 2 ºC nel restu de la rexón. Les mínimes apenes se van ver afectaes en comparanza coles anotaes el miércoles. Los vientos van ser fluexos y variables de primeres con enclín a afitase de nordeste na mariña mientres la segunda parte del día con dalguna racha moderada a lo sumo.
Van poder tenese dellos bastios en puntos del norte d’España como Galicia, Asturies, Cantabria, País Vascu y Navarra.
Vienres
