Nel cuartu del Vicerrectoráu d’Estudiantes almacénense les maletes que tresporten los exámenes de la PAU, enantes y una vegada completaos. Tamién se custodia la prueba: cuatro exámenes por asignatura y cuatro correcciones que llueu se sorteen.
Dempués del gran cambéu de modelu de 2025 en toa España, esti añu la prueba caltiénse y nun hai previsión de nuevos cambeos nel horizonte.
Alfonso López, vicerrector d’Estudiantes, asegura que l’oxetivu ye que l’alumnáu tenga cada vegada más capacidá p’aplicar lo deprendío a situaciones reales en llugar de la estricta memorización de conteníu.
Ente les 38 asignatures de la PAU, hai dalguna novedá. N’historia de la filosofía por exemplu, les entrugues teóriques sedrán más curties y con más rempuestes posibles pa fomentar la reflexón del alumnáu. Nun ye l’únicu cambéu.
El 2 de xunu entamarán los exámenes. Cuasi’l 95% del estudiantáu aprobó l’añu pasáu.
