🧑🎨 @espacionube / Acutái la fecha: sábadu 9 de mayu, a les 12 del mediudía, aguardámosvos na Estación del Norte d’Uviéu pa manifestanos pola #oficialidá de les nuestres llingües propies, pa defender y reinvidicar los nuestros derechos llingüísticos, qu’entá siguen negándonos. Otru añu más, y van 40. Nun vamos parar hasta que les llingües d’Asturies tengan l’estatus llegal que merecen.
Bones! La Bandona pola Oficialidá vuelve a tomar les cais d’Uviéu pa la Manifestación pola Oficialidá, esti sábadu a les 12h. Convocamos a gaiteres, gaiteros, tamboriteres, tamboriteros, bomberes y bomberos el sábadu, un poquiñín antes de la mani, a les 11:30h na Llosa de RENFE d’Uviéu. El mesmu repertoriu d’otros años, Pasucáis de Peruyes y Xuanín de Mieres (tan les partitures y videos d’otros años na páxina).La persona encargada de cordinar la Bandona sedrá Diego Lobo. ¡L’ASTURIANU LLINGUA OFICIAL YÁ!
Manifestación pola oficialidá del asturianu
El próximu sábadu 9 de mayu, a les 12:00 del meudía, la Xunta pola Defensa de la Llingua Asturiana convoca una nueva manifestación pola oficialidá del asturianu. La cita va salir de la Estación del Norte, n’Uviéu.
La Xunta pola Defensa de la Llingua Asturiana ye una organización que trabaya pola defensa del asturianu dende l’añu 1984.
La llingua asturiana sufre una discriminación estructural al nun tener oficialidá, lo que se traduz nuna falta de derechos reales pa los sos falantes: nun ta garantizada la so presencia obligatoria na alministración, na xusticia nin na educación, lo que provoca que munches persones nun puedan usala con normalidá nin ser atendíes nella. Esta situación xenera una desigualdá clara frente a otres llingües del Estáu que sí son oficiales, y contribúi al so desprestixu social, abandonu y escaezu, como si fuera una llingua de menor valor o utilidá. Amás, la falta de protección llegal torga la so tresmisión xeneracional y favorez la perda progresiva de falantes, nun procesu que nun respuende a una falta d’interés cultural, sinón a decisiones polítiques que la dexen nuna posición de desventaxa.
N’acabando la manifestación na Plaza La Escandalera, va haber l’actuación del grupu de música tradicional feminista «Nun tamos toes«, un conxuntu de muyeres que tienen como seña d’identidá la pandereta, el panderu y la creación de lletres nueves adaptaes a los tiempos y les reivindicaciones de güei.
El sábadu, n’acabando la manifestación na plaza La Escandalera vamos cuntar cola actuación del grupu de música tradicional feminista @nuntamostoes, un conxuntu de muyeres que tienen como seña d’identidá la pandereta, el panderu y la creación de lletres nueves adaptaes a los tiempos y les reivindicaciones de güei. Tradición y modernidá van ofrecenos les d’El Remediu y si dalguién s’anima, echar un baille.
