- Web CP Felechosa (Felechosa) / 05-2026. Grupu Teatru CP Felechosa. Obra Coses Rares/ Vídeo Coses Rares (Youtube)
Dende’l CP Felechosa venimos participando mientres dolce cursos nos Certames de Teatru Escolar n’Asturianu y Gallego-asturianu que convoca la Conseyería d’Educación por cuenta de la Selmana de les Lletres Asturianes.
En dichos certames, siempres quedemos en bones posiciones y llevamos ganaos un total de 40 premios, ente los que s’atopen los trés que vamos recoyer el próximu 8 de mayu de 2026 correspondientes al XII Certame, celebráu esti cursu y al que presentamos la obra “Coses Rares”. Dichos premios son: el Premiu a la Meyor Obra; el Premiu a la Meyor Direición y Puesta n’Escena, pa Laura Prieto, la maestra responsable de la creación y dirección d’esta pieza teatral; y el Premiu a la Meyor Actriz pa Pilar Rodríguez pol so papel de “El Demofartón”.
Coses Rares (2026) Vídeo Coses Rares (Youtube)
Anguaño, l’alumnáu de 6º de Primaria del CP Felechosa, van presentar la so obra Coses Rares en distintos teatros del monte central, para tolos públicos que quieran allegar. Nun van cobrar entrada, pero sí van poner una hucha a les puertes de los teatros, na que los asistentes van poder echar la voluntá, y que ellos van invertir nos sos desplazamientos y gastos surdíos de la mini-xira teatral. Tamién van faer delles sesiones para los escolares del Conceyu d’Ayer, de Mieres y de Cangas.
Coses Rares ye una risondera comedia que fai un chisgo a la famosa serie Stranger Things, pero en versión ayerana. S’ambienta nel día del tan esperáu eclís solar total d’esti próximu branu, pero, mientres el mesmu, daqué estrañu asocede, dalguna criatura d’otru mundu va colase n’este y desamarrase’l caos… El públicu va tener oportunidá de ver esta risondera obra y a los sos profesionales actores, a pesar de la curtia edá y estatura, nos llugares y feches que s’indiquen nel cartelu que s’axunta.
