Estáu del tiempu: vienres 22

• Alborecemos col cielu empuercáu de nubes altes ya con unes temperatures que tan alrodiu de los 16ºC, rexistrándose nel puirtu Payares 17,1ºC

• Güei vamos tener el cielu poco nuboso o escampláu, sicasí van dir desendolcándose les nubes verticalmente durante la tarde pa dexanos xarabatos de calter tormentosu na fastera ocidental, nel restu ye mui poco probable. Durante la tarde tamién va dase una rolada de vientu como ayeri, surdiendo puntualmente, raches d’aire fuertes, sobre too nel llitoral, faciendo que baxen dalgo les temperatures, dempués d’algamase los 35ºC de nuevu en puntos de la fastera central asturiana.

L’AEMET activa para’l vienres l’alerta mariello por calor intenso en gran parte de la rexón y alvierte de fuertes bastios y de vientu ‘bien fuerte’ na mariña a partir de la tarde.

• Mañana sábadu si que paez que puen descender les temperatures cola entrada de vientu del nordés nel llitoral y fastera central y yá nun algamaremos los 30ºC n’estes zones anque seguiremos con calor, amás les nubes tornarán a desendolcase con xarabatos de calter tormentosu al atapecer.

• El domingu tendremos un día mui asemeyá al sábadu con nubosidá de desendolque ya refrescando dalgo cola entrada de vientu de la mariña, amás de la posibilidá de dellos xarabatos tormentosos.

• El llunes y martes desaparecen les brises marines y tornaremos a sobre pasar los 30ºC de nuevu pero esto yá lu diremos viendo.