El Neñu ye un potente patrón climáticu natural que calez les agües oceániques nel centru y esti del Pacíficu Ecuatorial. Suel asoceder cada 2-7 años, pero nengún Neñu ye esactamente igual a otru. Web / https://www.instagram.com/wmo_omm/
Impulsáu per agües oceániques inusualmente templaes nel Pacíficu tropical, les condiciones d’El Neñu tán desenvolviéndose y tán llistes para influyir nos patrones globales de temperatura y precipitaciones. La OMM estima qu’El Neñu podría apoderar el periodu de xunu a payares de 2026.
La señal llega dende’l Pacíficu ecuatorial, onde l’océanu empieza a portase como una enorme batería térmica. Cuando les sos agües superficiales calécense más de lo habitual y los vientos alisios debilítense, l’atmósfera camuda de ritmu: unes rexones ensúguense, otres anúbrense y el planeta enteru puede ganar unes décimes de fiebre.
La ONU alerta de qu’esti fenómenu climáticu podría intensificase nos próximos meses y aumentar el riesgu de foles de calor, seques, agües enchentes y quemes en distintes partes del planeta.
El motor templáu del Pacíficu qu’alteria’l clima mundial. El Neñu ye una de les fases del ENSO, el gran sistema océano-atmósfera del Pacíficu tropical. En condiciones normales, los vientos emburrien les agües templaes escontra l’oeste; cuando esos vientos debilítense, el calor muévese escontra’l centru y l’este del Pacíficu, alteriando la circulación atmosférica. La OMM estima qu’El Neñu podría apoderar el periodu de xunu a payares de 2026, con probabilidaes próximes o superiores al 90% en dellos trimestres móviles. *NOAA, pela so parte, señala un 82% de probabilidá ente mayu y xunetu y un 96% de continuidá mientres l’iviernu boreal 2026-2027.
El Neñu ta llegando a la nuesa puerta nos próximos meses con un 90% de certidume.
El mundu tien de tratalo como la urxente alvertencia climática que ye. La única respuesta efectiva ye la #ClimateAction igual a la crisis: poner fin a l’adicción a los combustibles fósiles, acelerar la transición a les enerxíes anovables, protexer a los más vulnerables y apurrir sistemes d’alerta temprano para toos.
