La venta de viviendes en nuda propiedá gana tarrén n’Asturies.
Los compradores algamen descuentos d’hasta’l 50%, mientres los propietarios caltienen el derechu a vivir nes sos cases hasta la so muerte
Unes 27 viviendes véndense anguaño n’Asturies como nuda propiedá. El preciu de compra ye ente un 30 y un 50% más baxu, pero a cambiu, el vendedor tien derechu a tar na casa hasta la so muerte. L’añu pasáu compráronse n’Asturies 45 inmuebles baxo esta figura.
Nos anuncios, los sos dueños señalen yá la so edá y con ello la so esperanza de vida. Una fórmula llegal que-yos dexa algamar liquidez darréu.
Nel últimu llustru vendiéronse de media n’Asturies unos 45 inmuebles al añu baxo esta figura. Los sos compradores algamen una rebaxa nel preciu que pue llegar hasta’l 50%.
Les hipoteques que se dan pa esti tipu de compres, son menos ventaxoses.
