Más de 6.000 aspirantes examínense pa optar a 566 places docentes.
La conseyera d’Educación, Eva Ledo, señaló que los procedimientos selectivos d’ingresu entamaos estu sábadu nos cuerpos de maestros y de catedráticos de Música y Artes Escéniques, con 6.014 aspirantes almitíos pa optar a 566 places de diez especialidaes, dan cumplimientu al Pactu Asturies Educa.
Ledo asistió al sortéu d’enantes del entamu de la primer prueba de los procedimientos selectivos del cuerpu de maestros, onde destacó que’l so departamentu «amplió al máximu» el númberu de places que podía convocar pa «algamar la mayor estabilización posible dientro de les nuestres aules».
El cuerpu de maestros dixébrase en siete especialidaes que sumen 556 places: Educación Primaria tien la mayor ufierta, con 148 places, siguida d’Audición y Llinguaxe (AL) y Pedagoxía Terapéutica, con 100 places caúna. Educación Infantil tien otres 85; Inglés, 71; Música, 28, y Educación Física, 24.
En cuantes a aspirantes a esti cuerpu de maestros, almitiéronse un total de 5.927 persones.
