🐻 Con esti calor… ¡bien prúi un bañu! Recuperamos unes imaxes que yá publicamos n’agostu de 2024 porque vienen bien a cuentu y resulten especialmente refrescantes nestos díes. Anque agora tean camudando la pelame, los osos tamién sufren el calor. Combatenlo folgando nos aveseos más frescos, desenvolviendo una actividá más crepuscular y nocherniega y bañándose en fontes y ríos de monte. O, como fai esta familia numberosa, enfrescándose na vera d’un banzáu… ¡anque uno de los esbardos nun paez tenelo del tou claru!🌞🌞🔥 Esmolécennos, y enforma, estes foles de calor cada vez más intenses, a les que nun tamos avezaos y que pueden ser el preludiu de seques branices, con consecuencies como les que yá vivimos el branu pasáu: ente otres, la escasez de fruta montés nel monte y, bien especialmente, los devastadores quemes forestales, difíciles de controlar nun paisaxe como’l del Cordal Cantábricu, onde les actuaciones preventives siguen siendo inda insuficientes. 🎥 Imaxes: Fundación Oso Pardo
