El Real Uviéu desveló esti sábadu les equipaciones que van vistir los nuesos equipos mientres la temporada 2026/2027. Sol lema y hashtag 
#LoRealPasaEnCasa 
, el Club presentó les trés camisetes que van acompañar al uvieísmu a lo llargo d’esti nuevu cursu. VIDEU
Creaes nuevamente al pie de el nuesu sponsor técnicu Adidas, incorporen un escudu termoadhesivo con efectu 3D de TPU flexible, qu’apurre un acabáu d’alta calidá ensin arrenunciar a la comodidá. Amás, presenten un corte Slim y tán iguaes con texíu 100 % poliéster recicláu, reafitando’l compromisu del Club cola sostenibilidá.
Nel apartáu técnicu, les camisetes cunten cola tecnoloxía climacool, diseñada para favorecer el máximu rendimientu. Gracies a un sistema de microporos y paneles de malla estratégicamente distribuyíos, el texíu optimiza la trespiración, facilita la circulación del aire y ayuda a caltener la piel seco, regulando la temperatura corporal mientres la práctica deportiva.
Les trés equipaciones oficiales van ponese a la vienta’l próximu 16 de xunetu en tiendes oficiales y en realoviedo.shop, en versión home, muyer, neñu y minikit infantil. Per otru llau, los abonaos de la temporada 26/27 según los carnés oviedistas van disponer d’un descuentu directu del 15%.
Coles mesmes, mientres la temporada 2026/27, el Real Uviéu va caltener un venceyu especial cola so hestoria. Amás de los trés equipaciones oficiales, el primer equipu volverá vistir la equipación del Centenariu en determinaos partíos oficiales. Una decisión motivada pola estraordinaria acoyida que tuvo ente l’uvieísmu y que va dexar siguir dando protagonismu a una camiseta que simboliza los cien años d’hestoria del Club.
Con #LoRealPasaEnCasa , el Real Uviéu empecipia xuna nueva temporada cola ilusión anovada y l’arguyu de representar #un colores que formen parte de la hestoria y del corazón de miles de oviedistas. Porque, una vegada más, lo real pasa en casa.
Primer equipación
