Casi un centenar de neños saharagüis lleguen a Asturies para pasar unes ‘Vacaciones en Paz’
Los menores van convivir con 78 families d’acoyida, llueñe de les dures condiciones de los campamentos d’abelugaos. Los 93 neños y neñes saharagüis del programa ‘Vacaciones en Paz’ llegaben esta mañana a Asturies para axuntase coles 78 families d’acoyida coles que van pasar tol branu.
Los menores pueden esfrutar d’un branu alloñaos de les estremes temperatures a les que s’enfrenten nos campamentos para abelugaos nos que viven, amás de recibir cuidaos sanitarios y una alimentación cuidao, y conocer una realidá y una cultura distintes, faciendo tou tipu de planes coles sos families d’acoyida.
Para les families d’acoyida, qu’esperen tol añu provecíos esti momentu, esto supon una gran responsabilidá pero tamién muncho prestu.
Güei ye’l primer día d’una convivencia llena d’esperiencies que va durar tol branu y dexará-yos esfrutar a estos neños, d’unes vacaciones en paz.
