Europa ye’l continente que más rápido se ta calentando

La temperatura media del planeta medra 0,27 graos per década.

Equí, nel nuestru continente, ye cuasi’l doble: 0,56 graos más cada 10 años y nel Océanu Árticu, la zona más afectada, la medría ye de 0,75 graos.

Son diferencies aparentemente pequeñes pero que, col pasu de les décades, provoquen cambeos nel clima como entamamos a ver.

Dase la paradoxa de que’l continente que más llucha escontra’l cambéu climáticu, Europa, ye’l más afectáu.

La Xunión Europea fai los sos deberes pero equí equí hai dellos factores climáticos complexos. El principal, que la interacción ente atmósfera y oceanu ta desestabilizándose na metá norte del Atlánticu con más incidencia equí. Y una seria amenaza, el medrante riesgu de colapsu del llamáu AMOC, una especie de cinta tresportadora de calor grande que modera’l nuestru clima.

Poro, los científicos nun cansen de pidir a los líderes políticos que lo tomen en serio pa evitar que dientro de 20 años, como alvierte la Comisión Europea, recordemos esti branu como ún de los más fríos.