Tranquilidá colos precios de la eletricidá d’esta tarde

Saltaron les alarmes al ver na aplicación RedOS precios próximos a 0,90 €/kWh ente les 20:00 y les 22:00 h. Sicasí, según les primeres informaciones, el fuerte aumentu de los servicios d’axuste deberíase a un error d’un axente del mercáu, que Rede Eléctrica ta correxendo.

Dende Astuenerxía vamos siguir atentos a la evolución d’esta incidencia y a la publicación de los precios definitivos.

En cualquier casu, convién recordar que les hores de mayor preciu suelen concentrase ente les 20:00 y les 22:00 h, polo que ye recomendable mover los consumos, siempres que seya posible, pa amenorgar la factura llétrica.

Episodios como esti ponen de manifiestu la importancia del autoconsumu y de les comunidaes enerxétiques, que permiten amenorgar la dependencia de les oscilaciones del mercáu.

Si quies producir la to propia enerxía y compartila col to vecinderu, asociación, empresa o conceyu, infórmate n’Astuenerxía sobre les posibilidaes de crear una comunidá enerxética.

Enerxía renovable, local y en manes de les persones.