Vamos amanecer con abondosu nubosidad en gran parte de la metá norte. Sicasí, nel sur del Principáu’l sol va rellumar dende primer hora de la mañana. Conforme pasen les hores les nubes van dir sumiendo salvu na mariña onde, bien probablemente, persistan mientres tola xornada. Nun s’esperen precipitaciones, anque nun se refuga que pueda escapase dalgún bastiu nel cordal pela tarde. Les temperatures van ser bien similares a les del miércoles tanto nel casu de les máximes como nel de les mínimes.
