El Xardín Botánicu Atlánticu de Xixón bate’l récord históricu d’afluencia nel primer semestre del añu con 49.251 visitantes. Con esti récord, el muséu va dar iniciu a la temporada estival.
Los 49.251 visitantes del primer semestre del añu d’El Xardín Botánicu Atlánticu en Xixón permitieron pesllalu con 11.310 más que l’añu pasáu.
“Ye la meyor prueba de qu’esti muséu verde se consolidó como un referente cultural y científicu”, destacó’l conceyal d’Urbanismu, Jesús Martínez Salvador, informa’l conceyu de Xixón. “Ye un fechu más que confirma que’l trabayu que desendolquemos mientres esti mandatu pa reforzar la programación y el caltenimientu de les colecciones vexetales del Xardín Botánicu ye un ésitu”, añadió.
Con esti récord, el muséu va dar iniciu a la temporada estival, la de mayor afluencia, con una programación especial qu’incorpora por primer vegada la finca de La Isla.
