El Mundo / Sableres con bandera negra n’España 2026: llista completa por provincies Ecoloxistes n’Acción presenta l’informe de les Banderes Negres 2026 para señalar desastres o amenaces ambientales nes nueses mariñes.
N’Asturies: Sablera de Bañugues (Gozón; por contaminación) y Marismas de Maqua (Avilés-Gozón; por mala xestión)
Frente a les Banderes Azules, distinción que llucen anguaño 677 sableres, Ecoloxistes n’Acción presenten les Banderes Negres 2026. Trátase d’un informe añal que la ONG publica para señalar desastres o amenaces ambientales nes nueses mariñes.
«Bona parte de les mariñes fueron y siguen siendo oxetu d’un procesu siguíu de degradación. La regresión de sableres, la destrucción de güelgues y sistemes dunares, la contaminación marina, la perda de biodiversidá y l’aumentu de la vulnerabilidá frente a envernaes ya hinchentes son dalgunes de les consecuencies», asevera la entidá.
L’informe Banderes Negres destaca un total de 48 desastres o amenaces ambientales. Dos per provincia (o ciudá autónoma), con dos motivos distintos: una bandera negra por contaminación y otra por mala xestión ambiental. El documentu recueye les afecciones ambientales más graves na mariña española, pero non toes.
L’oxetivu d’esta campaña ye dar información sobro l’estáu ambiental de la mariña y riquir a conceyos, a otres alministraciones y a empreses que contribuyan al saneamientu y caltenimientu de les sableres.
Pueden visualizar les localizaciones de les banderes negres por aciu un mapeo virtual.
De les 48 banderes negres concedíes anguaño atopamos:
- Urbanización de la mariña ya invasión del dominiu públicu marítimu-terrestre: 8 banderes.
- Arramaos, defectos nos sistemes de saneamientu y graves problemes de depuración: 14 banderes.
- Afecciones a la biodiversidá: 9 banderes.
- Acumuladura de basures, plásticos y microplásticos na mariña: 2 banderes.
- Obres portuaries o de defensa costera innecesaries o mal xestionaes: 3 banderes.
- Contaminación química: 7 banderes.
- Daños al patrimoniu histórico y cultural en DMPT: 1 bandera.
- Degradación ambiental derivada de la turistificación y masificación: 4 banderes.
