Nesta esposición temporal titulada Canteros del Soníu, pue vese’l procesu de testurizáu y policromía de distintes pieces histórico-musicales del medievu asturianu. Cuenta cola reconstrucción de dellos instrumentos del románicu que se perdieron pa siempres, pero que quedaron esculpíos na piedra señala Fernando Oliva, investigador.
Lo que se busca ye recuperar el soníu d’esos preseos. Pa ello, distintos luthiers de tol país reconstruyéronlos a partir de fotografíes, pa poder faer con ellos conciertos que van dende formatos más pequeños hasta grandes orquestes
Ente les novedaes de la esposición destaquen la gaita de la Oliva, que taba esculpida na ilesia de Santa María de la Oliva, en Villaviciosa, y los panderos cuadraos. Amás, va facese una demostración artesanal del procesu de trabayu d’estes reconstrucciones y de cómo s’aplica’l procesu de policromía, lo que dexa ver l’antes y el dempués de les pieces impreses apunta Víctor Sanz-Yrazu, investigador.
La esposición ta disponible nel claustru del Muséu Arqueolóxicu d’Asturies tolos miércoles y xueves de los meses de xunetu y setiembre, y quier ser una apuesta por faer del patrimoniu históricu un elementu vivu, interactivu y dinámicu
