El 18 de xunetu de 1986, el sumergible Alvin, dirixíu pol oceanógrafu Robert Ballard, esquizó y fotografió los salones interiores del RMS Titanic, 74 años dempués del so fundimientu nel océanu Atlánticu Norte en 1912. La espedición, qu’alcontrara los restos del tresatlánticu un añu antes, dexó llograr les primeres imaxes detallaes del interior del barcu fundíu a más de 3.800 metros de fondura.
Esti afayu xeneró un enorme interés mundial y anovó l’alderique sobro les causes del naufraxu, consideráu mientres décades la mayor traxedia marítima en tiempos de paz. La esploración inspiró darréu al cineasta James Cameron, quien en 1997 estrenó “Titanic”, una de les películes más taquilleres de la hestoria del cine, que popularizó entá más l’episodiu ente’l públicu masivu.
Capaz de somorguiase a casi 2.500 metros de fondura, el Alvin realizó más de 4.600 inmersiones dende la so puesta en funcionamientu en 1964, investigando dende formes de vida capaces de sobrevivir en total escuridá y soportando grandes presiones, a la esploración de los restos del Titanic tres el so descubrimientu en 1985.
Mientres estos 58 años el Alvin dio accesu a el investigadores norteamericanos a les fondures del océanu, dexando la observación según la recoyida d’amueses para distintes investigaciones, tantu físiques, químiques, xeolóxiques como biolóxiques. El so usu dexó’l desenvolvimientu d’esti tipu de vehículos aumentando les posibilidaes de los científicos de realizar tou tipu d’investigaciones submarines.
