La rotonda ente Llugones y La Fresneda tresfórmase nun globu terraqueu.
La glorieta representa los cinco continentes y allumará les capitales de los países.
L’alcalde de Siero, Ángel García visitó esta mañana les obres de meyora estética de la rotonda asitiada ente Llugones y La Fresneda que tresformaron nun globu terraqueu.
Namás queden pequeños detalles y a finales de mes tará acabada la rotonda de más de 4.000 metros cuadraos pela que pasen más de 5.000 vehículos caldía, que se convirtió nuna llomba semiesférica onde tán representaos los cinco continentes y qu’inxerta puntos de lluz señalizando les capitales de los países.
Un proyectu que tuvo un presupuestu de cuasi 600.000 euros y que busca dar identidá a esti accesu y al empar cumplir una función pedagóxica sobre manera ente los más pequeños, según fontes municipales.
