La sala de coordinación del 112 Asturies atendió en xunu 62.546 llamaes.
Los Bomberos del Serviciu d’Emerxencies del Principáu d’Asturies (SEPA) ficieron nel mes de xunu un total de 1.139 intervenciones. D’elles, 323 tuvieron venceyaes con incendios: 223 por fueos forestales y 100 por incendios urbanos. Amás, ficieron 50 rescates, participaron en nueve rastrexos y actuaron en 36 accidentes de tráficu.
Según informa’l 112 Asturies na so web, la sala de coordinación atendió en xunu 62.546 llamaes, de les que 44.105 fueron consideraes d’emerxencia.
Estes comunicaciones dieron llugar a la xestión de 25.028 incidentes que necesitaron la movilización de dalgún recursu d’emerxencia.
