- Alborecemos con nubes ya claros o abancios ya con unes temperatures que tan alrodiu de los 19ºC, rexistrándose nel puirtu Payares 13,3ºC.
- Güei vamos tener dalgo de nubosidá de retención que dirá n’aumentu pela tarde, sobre too nos valles del interior tando más escampláu na costa por mor del vientu nordés que va soplar dalgo cafiante per esa fastera. Tamién van dir desendolcándose delles nubes d’evolución na fastera surocidental que puen dexar dalgún xarabatu de calter tormentosu a últimes hores con unes temperatures que suben dalgo nel interior y se caltinen nel llitoral.
- Mañana martes vamos tener escasa nubosidá que mos dexará un día soleyeru y perguapu con unes temperatures que van camudar poco, calteniéndose un ambiente afayaizu, sicasí na costa’l vientu nordés pue ser dalgo cafiante anque tiende amenorgar dalgo.
- El miércoles ya xueves vamos seguir col cielu poco nuboso y les temperatures subirán, algamándose los 30ºC en zones del interior.
- Y paez que de cara a la fin de selmana cola entrada de vientu del norte aumentará la nubosidá ya tendremos precipitaciones febles pero esto yá lu diremos viendo.
