Uabra fomenta la intelixencia artificial para desaniciar la falta de materiales n’asturianu
Nesti cursu, maestros y profesores de llingua asturiana van aprender a remanar más en fondura la intelixencia artificial para, por casu, crear conteníos didácticos que los va aforrar, aseguren, enforma trabayu señala Roberto Avello, director del cursu de Intelixencia Artificial. Yá ye’l segundu añu que la UABRA ufierta estos talleres de branu na Universidá d’Uviéu, anque lleven décades formando a personal docente y demás comenenciudos en temes rellacionaes cola llingua asturiana.
Oxetivos – Conocer los fundamentos básicos de la intelixencia artificial y el so papel na educación. – Esplorar los usos reales de la IA pa la planificación docente, la creación de recursos y la evaluación. – Diseñar propuestes didáutiques afayaes a dixebraes etapes educatives, dende Infantil hasta Bachilleratu. – Reflexonar sobre los riesgos, llendes, sesgos y aspeutos éticos del uso de la IA nel aula. – Ellaborar materiales y actividaes con enfoque práutico pa la so aplicación inmediata nel centru educativu.
Conteníos: – Fundamentos de la intelixencia artificial aplicada a la educación – Usos didáuticos de la IA na planificación, creación de materiales y diseño de actividaes – Aplicación de la IA nes etapes d’Educación Infantil, Primaria, Secundaria y Bachilleratu. – Atención a la diversidá y evaluación. – Usu ético, crítico y responsable d’estas ferramientes nel aula.
Los 50 alumnos que completen la matrícula pueden cursar tamién uno de C1 en llingua asturiana, preparatorio para los exames qu’ufierta la conseyería n’ochobre y otru sobro’l movimientu obreru na lliteratura asturiana asegura Claudia Elena Menéndez, directora de los cursos De la Universidá Asturiana de Branu.
Destinatarios Persones que, teniendo una conocencia intermedia del idioma, quieran ameyorar el so nivel nos distintos planos comunicativos de cara a preparar la certificación oficial de C1. La persona interesada faise responsable d’acreitar esi nivel intermediu.
Oxetivos:
+Afitar estratexes discursives escrites pa producir una comunicación amañosa. +Arriquecer la espresión escrita n’asturianu adecuando’l nivel llingüísticu a la situación comunicativa. +Estremar les distintes situaciones de comunicación oral y utilizar los rexistros correctos nos contestos correspondientes. +Remanar correctamente’l modelu de llingua asturiana estándar nos planos oral y escritu.
Conteníos. +Modelos del estándar escritu. +Afondamientu gramatical. +Anovaciones y ellaboraciones léxiques. +Redacción de testos como rempuesta a situaciones comunicatives reales (programes, entraes de blog, correos ellectrónicos, instancies, reclamaciones). +Situaciones d’escucha. +Esposiciones orales y mediación.
