El catedráticu de la Área de Prehistoria de la Universidá d’Uviéu Marco de la Rasilla y l’investigador del Muséu Nacional de Ciencies Naturales (CSIC) Antonio Rosas van dirixir los próximos 2, 3 y 4 de setiembre’l cursu de branu Paleobiología de los neandertales: orixe, vida y estinción, que se va celebrar na Casa de Cultura de Infiesto (Piloña). Artículo / Neardentales / UNIOVI / Más información y programa completu
L’actividá algama la so segunda edición y ta patrocinada pol Conceyu de Piloña, cola collaboración de la Universidá d’Uviéu, la Conseyería de Cultura, Política Llingüística y Deporte y el Conseyu Cimeru d’Investigaciones Científiques (CSIC).
Sol términu paleobiología incluyimos un ampliu espectru d’aspeutos rellacionaos cola vida de les especies del pasáu.
Trátase d’un cursu xeneralista que pretende dar a conocer tol procesu y les resultancies de les investigaciones sobro los grupos neandertales polo xeneral, atendiendo tamién a lo llograo nel xacimientu d’El Sidrón. Esa conocencia va sirvir pa fortalecer l’espardimientu/divulgación del mundu neandertal a partir d’un xacimientu que ye una referencia nacional ya internacional.
Empobináu a un públicu ampliu, el programa va axuntar a especialistes de distintes universidaes y centros d’investigación pa encetar cuestiones como l’orixe y l’evolución de los neandertales, la so fisioloxía, alimentación, celebru y les hipótesis sobro la so desapaición. Amás, va incluyir una visita empuesta a la esposición Los 13 d’El Sidrón y xuna visita a la cueva d’El Sidrón.
Marcu de la Rasilla destacó que “esti segundu cursu fai realidá una vegada más l’espíritu del protocolu d’actuación robláu pol Conceyu de Piloña, la Conseyería de Cultura, Política Llingüística y Deporte, la Universidá d’Uviéu y el CSIC, col fin de visibilizar y espublizar esti xacimientu y, sobremanera, el mundu neandertal del que somos depositarios al topase n’Asturies restos d’esa especie”.
Les persones comenenciudes pueden inscribise al traviés del enllaz habilitáu pola organización hasta’l próximu 1 de setiembre.
#quedamoseneloriente
#asturias #asturies @derato1 @ondacero @ondaceroasturias @ayuntamientodepilona @carmenfuente_valle_ @allende84
