Tal día como güei, fai 276 años, un home casi dafechu ciegu dexó d’alendar en Leipzig ensin abarruntar que se convertiría nel compositor más influyente de la música occidental. Johann Sebastian Bach morrió’l 28 de xunetu de 1750, a los 65 años.
Siendo maestru de capiya, aprendió a tocar l’órganu, Viola y violín. Ye re conocíu pola sonata para violonchelu namá, conciertu para violín en sol menor, Tocata y fuga, ente otres. Anque la so pasión yeren les flores.
Meses antes, un ciruxanu oftalmólogu itinerante llamáu John Taylor operolu dos vegaes de tabayones, ente marzu y abril d’esi añu; tres la segunda intervención, Bach quedó dafechu ciegu y con dolores intensos. Un periódicu de la dómina atribuyó la so muerte a les desafortunaes consecuencies d’una operación de güeyos fallida. Los historiadores modernos apunten más bien a un ictus complicáu con neumonía: diez díes antes de morrer la so vista paeció ameyorar de golpe, y hores dempués llegó’l derrame.
Lo que pocos saben ye qu’esi mesmu ciruxanu, John Taylor, operara tamién los güeyos de Georg Friedrich Händel años antes, dexándolo igualmente ciegu. Dos de los compositores más grandes del Barrocu perdieron la vista en manos del mesmu home, que s’anunciaba a sí mesmu por toa Europa como una eminencia.
Bach, ciegu, siguió componiendo hasta’l final dictando música al so xenru. Morrió ensin saber que la Ilesia de Santu Tomás soterraríalu casi nel anonimatu, y que fadría falta más d’un sieglu por que’l mundu entendiera lo qu’escribiera.
