🌻 Vincent van Gogh / 37 años. Esa foi la edá de Vincent van Gogh cuando morrió n’Auvers-sur-Oise, Francia, el 29 de xunetu de 1890, dos díes depués de disparase nel pechu. Foi un pintor neerlandés, unu de los principales esponentes del postimpresionismo. Pintó unos 800 cuadros (ente ellos 43 autorretratos y 148 acuareles) y realizó más de 1600 dibuxos.
El pintor neerlandés produxera nos sos últimos meses de vida obres como Nueche estrellada y Campu de trigu con cuervos, nun períodu d’intensa actividá marcáu por crisis psiquiátriques recurrentes. Vendió apenes un cuadru en vida. Wikipedia /
Una figura central na so vida foi’l so hermanu menor Theo van Gogh, marchante d’arte en París, quien-y emprestó sofitu financieru de manera continua y desinteresada. Theo, marchante d’arte y sosten económicu permanente, morrió seis meses dempués, en xineru de 1891. La correspondencia ente dambos hermanos, compuesta per cientos de cartes, convertiose col tiempu nuna fonte documental central pa reconstruyir el pensamientu estéticu del artista.
Paradigma de pintor acoradáu, de xeniu solitariu que nun vendió nin un miserable cuadru en vida (güei la so obra tien un valor incalculable), ye verdá que tenía serios trestornos psiquiátricos, pero lo cierto ye que foi un pintor bien del so tiempu, qu’evolucionó de la monocromía típica de la pintura holandesa y del realismu de los sos ídolos Millet o Rembrandt, al arte coloríu col que lo identificamos anguaño, pasando pol inevitable influxu del impresionismu.
Van Gogh tratose de tu a tu colos meyores artistes del so tiempu y goció de la so amistá y almiración. Inclusive dempués de la so muerte foi almiráu y sigue siéndolo. La so pintura ye emocionante y atemporal, brutalmente sincera y bien popular (los profanos na materia y los neños capten perfectamente la espresividá de la so obra). Bien fresca y bonal (llegó a crear frenéticamente dos o trés cuadros al día), percibiendo na so obra la necesidá imperante de pintar.
N’Ámsterdam hai un muséu col so nome. https://www.vangoghmuseum.nl/en
