🎹 Franz Liszt / 74 años tenía Franz Liszt cuando muerre en Bayreuth, ciudá wagneriana por excelencia. El compositor húngaru había alcanzáu, décades antes, una popularidá comparable a la d’un ídolu contemporaneu: muyeres que s’esmorecíen nos sos conciertos, un fenómenu que los sos contemporaneos bautizaron “lisztomanía”. Virtuosu del pianu y pioneru del poema sinfónicu, dexó diecinueve rapsodies húngares y dos conciertos pal preséu.
La so vida sentimental foi tan intensa como la so música. Tuvo trés fíos cola condesa Marie d’Agoult; una d’elles, Cósima, casoser con Richard Wagner n’abandonando al so primer home. Nos sos últimos años, Liszt ordenóse clérigu menor y vivió ente Roma, Weimar y Budapest, estremáu siempres ente la fe y l’escenariu.
