Cierra la ruta del Cares tres un argayu que causó mancadures a dos persones.
Videu / ‘Asturies selmanal’ grabó un rescate en La Canal del Texu va unos díes, operación de riesgu cada vez más frecuente. Web / RUTA DEL CARES
Cierra la ruta del Cares por un argayu que causó mancaes a dos muyeres de 19 y 53 años. Intervino’l Grupu de Rescate de Bomberos d’Asturies col helicópteru medicalizáu a seis kilómetros de Poncebos.
Una de les feríes yá foi evacuada a Les Arriondes.
El zarru ye por procuru, como sorrayó la dirección del Parque Nacional Picos d’Europa, pa evaluar la situación.
La ruta del Cares, que pasa pel corazón de los Picos d’Europa ente’l llugar lleonés de Posada de Valdeón y l’asturianu de Poncebos, ye la más popular del Parque Nacional y una de les más reconocíes de tol país.
‘Asturies selmanal’ grabó un rescate en La Canal del Texu va unos díes, operación de riesgu cada vez más frecuente
Fai xusto una selmana, un equipu del programa de TPA ‘Asturies selmanal’ tuvo nel Cares p’afitar con espertos por qué se dan tantos argayos. La ruta cortóse delles vegaes l’añu pasáu. Confluyen delles razones, ente elles, les quemes.
Más de 3.000 persones percuerren cada día la ruta del Cares los meses de xunetu y agostu. Esto aumenta la probabilidá d’accidentes: de cayíes, mancadures, pero tamién de feríes por algame de piedres, daqué que ta aumentando.
Pa documentar esta hestoria, ‘Asturies selmanal’ grabó unes imáxenes que van poder vese nun reportaxe de la próxima temporada.
