Unos neños ponen a David sobro la pista d’unos visitantes inesperaos: ¡flamencos n’Asturies!. ¿Qué faen xunas aves propies de les marismes del sur na ría de Villaviciosa?
Acompáñanos a afayar cómo’l cambéu climáticu ta tresformando la nuesa fauna mientres percorremos unu de los grandes santuarios ornitolóxicos del Cantábricu. Ente pumaraes, sidra y aves viaxeres vamos conocer tamién por qué los páxaros pueden convertise nos meyores aliaos de la mazana de sidra. Esta nueche, a les 22:30, #PaxarinosTPA
‘Paxarinos’ ye un programa de divulgación y entretenimientu que convida a redescubrir Asturies al traviés de les sos aves, los sos paisaxes y, sobre manera, de les persones que viven y curien el territoriu. Cada capítulu ye un viaxe per dellos espacios naturales del Principáu, onde la busca d’una especie concreta de páxaru val como filo conductor pa falar de biodiversidá, cultura popular, oficios, memoria, paisaxe y vida cotidiana de la mano del narrador oral David Acera.
