Propuestu en 2010 pol xestor cultural colombianu Alfonso Magüeta mientres un congresu en Chile y depués estendíu a distintos países de fala hispana. #DiaMundialdelaAlegria #DiaDeLaAlegria
«Nun perdáis el vuesu tiempu
nin en llorar el pasáu nin en llorar el porvenir.
Vivíi vueses hores, los vuesos minutos.
Les allegríes son como flores
que l’agua enllordia y el vientu esfueya».
Edmond Gouncourt
La efeméride busca instalar actividaes culturales, intervenciones urbanes y campañes comunicacionales centraes en bienestar psicosocial, convivencia y salú mental. Convertiose n’una referencia para conceyos, escueles y organizaciones sociales que programen festivales, charres y acciones colectives en redol a esa fecha del calendariu internacional.
El Día Mundial de l’Allegría sirve para cavilgar sobro la importancia de tener presente esi sentimientu en cada momentu de la vida y la so poder tresformador.
¿Qué ye l’allegría? Espertos psicólogos definen a l’allegría como una emoción pasaxera que se manifiesta per mediu de la risa o la sorrisa, anque tamién ye ciertu que l’allegría provoca manifestaciones de too tipu, dende saltos, aplausos, bailles… Cada persona la manifiesta de forma distinta.
Realmente, l’allegría ye una emoción suxetiva, y va depender enforma de la persona a la que preguntes. Va haber persones a les que-yos provocará allegría tar baltaos nuna hamaca nuna sablera del Caribe. Y pa otros, l’allegría ye faer una bona caminada nel monte.
Lo que sí ye ciertu ye qu’una persona allegre rinde más, tiende a tar más sanu, a superar les dificultaes, y a provocar allegría a les persones que tien alredor, a faer el bien.
«Col tiempu entendí que l’allegría
yera un arma cimera al odiu,
les sorrises más útiles, más feroces
que los xestos de rabia y desaliendu».
«Les trés bodes de Manolita» / Almudena Grandes
