Cuatro itinerarios n’agostu pa dar a conocer los atractivos del conceyu. Como cada mes d’agostu, el Tren Turísticu d’Ayer vuelve a percorrer el conceyu. Failo con cuatro itinerarios que dexarán descubrir dalgunos de los principales atractivos naturales.
A les 11:02 y con 14 pasaxeros dientro, el tren turísticu d’Ayer entamaba la marcha.
Nesti primer día en serviciu, el convói circuló ente Morea y Murias, puntu d’entamu de la ruta de la Cascada de Xurbeo.
Un reclamu pa los y les que visiten estos díes Asturies, pero que tamién tien tirón ente los ayeranos, qu’aprovechen esti primer día en serviciu pa redescubrir el conceyu en familia.
A lo llargo del mes d’agostu, el tren alternará cuatro itinerarios pa visitar distintes zones del conceyu como la torre de Sotu y l’Altu de Cotobeyo.
El preciu de dir y volver caltiénse, como n’años anteriores, nos dos euros, y ye de baldre pa menores de seis años.
