L’amuesa recala en Xixón dempués de visitar ocho ciudaes nos últimos cuatro años. L’Antiguu Exiptu llega a Xixón con una esposición formada por répliques a tamañu real de dalgunes de les pieces más representatives d’esta civilización.
‘Tutankamon, secretos revelados’ podrá visitase dende mañana na ciudá na Colexata de San Xuan Bautista.
L’amuesa que güei s’inaugura en Xixón aborda’l centenariu del descubrimientu de Tutankamon y recala en Xixón dempués de visitar ocho ciudaes en los últimos cuatro años.
Un total de 40 pieces feches pola empresa Templum especializada na reproducción de pieces arqueolóxiques. L’amuesa tamién rellaciona la cultura exipcia cola asturiana.
La esposición tará abierta al públicu dende’l 1 d’agostu hasta’l 22 de setiembre, con tres tarifes disponibles, la xeneral a 8,50 euros; la reducida a siete; y el pack familiar pa dos adultos y dos neños, a 28 euros.
